Rudens

Plautus, Titus Maccius

Plautus. Leo, Friedrich

  1. Etiamne eam ádveniens salutem?
T.
  1. Censeo.
P.
  1. Etiam patrem?
T.
  1. Censeo.
P.
  1. Post eius matrem?
T.
  1. Censeo.
P.
  1. Quid postea?
  2. etiamne adveniens complectar eius patrem?
Trach.
  1. Non censeo.
P.
  1. Quid matrem?
T.
  1. Non censeo.
P.
  1. Quid eampse illam?
T.
  1. Non censeo.
Ples.
  1. Perii, dilectum dimisit. nunc non censet, cum volo.
T.
  1. Sanus non es. sequere.—
P.
  1. Duc me, mi patrone, quo libet. —
Labrax
  1. Quis me ést mortalis miserior qui vivat alter hodie,
  2. quem ad recuperatores modo damnavit Plesidippus?
  3. abiudicata a me modo est Palaestra. perditus sum.
  4. nam lenones ex Gaudio credo esse procreatos,