Rudens

Plautus, Titus Maccius

Plautus. Leo, Friedrich

  1. huc opesque spesque vestrum cognoscendum condidi.
Grip.
  1. Tum tibi hercle deos iratos esse oportet, quisquis es,
  2. quae parentis tám in angustum tuos locum compegeris.
Daem.
  1. Gripe, accede huc; tua res agitur. tu, puella, istinc procul
  2. dicito quid insit et qua facie, memorato omnia.
  3. si hercle tantillum peccassis, quod posterius postules
  4. te ad verum convorti, nugas, mulier, magnas egeris.
Grip.
  1. Ius bonum oras.
Trach.
  1. Edepol haud te órat, nam tu iniuriu'siniurius es .
Daem.
  1. Loquere nunciam, puella. Gripe, animum advorte ac tace.
Pal.
  1. Sunt crepundia.
Daem.
  1. Ecca video.
Grip.
  1. Perii in primo proelio.
  2. mane, ne ostenderis.
Daem.
  1. Qua facie sunt? responde ex ordine.
Pal.
  1. Ensiculust aureolus primum litteratus.
Daem.
  1. Dice dum,
  2. in eo ensiculo litterarum quid est?
Pal.
  1. Mei nomen patris.
  2. post altrinsecust securicula ancipes, itidem aurea