Rudens

Plautus, Titus Maccius

Plautus. Leo, Friedrich

  1. Quíd fecit tibi
  2. vir scelestus?
Trach.
  1. Homini ego isti talos subfringi volo.
Daem.
  1. Quid est? qua de re litigatis nunc inter vos?
Trach.
  1. Eloquar.
Gr.
  1. Immo ego eloquar.
Tr.
  1. Ego, opinor, rem facesso.
Gr.
  1. Si quidem
  2. sis pudicus, hinc facessas.
Daem.
  1. Gripe, animum advorte ac tace.
Gr.
  1. Vtin istic prius dicat?
Da.
  1. Audi. loquere tu.
Gr.
  1. Alienon prius
  2. quam tuo dábis orationem?
Trach.
  1. Vt nequitur comprimi.
  2. ita ut occepi dicere, illum quem dudum e fano foras
  3. lenonem extrusisti, hic eius vidulum eccillum tenet.
Gr.
  1. Non habeo.
Tr.
  1. Negas quod oculis video?
Gr.
  1. At ne videas velim.