Pseudolus

Plautus, Titus Maccius

Plautus. Leo, Friedrich

  1. eum prómisisse firmiter dixit sibi,
  2. sese abducturum a me dolis Phoenicium.
  3. nunc ibo intro atque edicam familiaribus,
  4. profecto ne quis quicquam credat Pseudolo.—
Psevdolvs
  1. Si umquám quemquam di immórtales voluére esse auxilio ádiutum,
  2. tum me ét Calidorum sérvatum volunt ésse et lenonem éxtinctum,
  3. quom te ádiutorem génuerunt mihi tám doctum hominem atque ástutum.