Pseudolus

Plautus, Titus Maccius

Plautus. Leo, Friedrich

  1. Quid iam?
Bal.
  1. Quia enim non venalem iám habeo Phoenicium.
Cal.
  1. Non habes?
Bal.
  1. Non hercle vero.
Cal.
  1. Pseudole, ei accerse hostias,
  2. victumas, lanios, ut ego huic sacruficem summo Iovi;
  3. nam hic mihi nunc est multo potior Iuppiter quam Iuppiter.
Bal.
  1. Nolo victumas: agninis me extis placari volo.
Cal.
  1. Propera, quid stas? ei accerse agnos. audin quid ait Iuppiter?
Ps.
  1. Iam hic ero; verum extra portam mi etiam currendumst prius.
Cal.
  1. Quid eo?
Ps.
  1. Lanios inde accersam duo cum tintinnabulis,
  2. eadem duo greges virgarum inde ulmearum adegero,
  3. ut hodie ad litationem huic suppetat satias Iovi.
Bal.
  1. I in malam crucem.
Ps.
  1. Istuc ibit Iuppiter lenonius.
Bal.
  1. Ex tua re est, ut ego emoriar.
Ps.
  1. Quidum?
Bal.
  1. Ego dicam tibi: