Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. ipse abit ad Acheruntem sine viatico.
  2. ille quí surripuit puerum Calydonem avehit,
  3. vendit eum domino hic diviti quoidam seni,
  4. cupienti liberorum, osori mulierum.
  5. emit hospitalem is filium imprudens senex
  6. puerum illum eumque adoptat sibi pro filio
  7. eumque heredem fecit, quom ipse obiit diem.
  8. is illíc adulescens habitat in illisce aedibus.
  9. revertor rursus denuo Carthaginem:
  10. si quid mandare voltis aut curarier,
  11. argentum nisi qui dederit, nugas egerit;
  12. verum qui dederit, magis maiores nugas egerit.