Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Sermonem ibi nobiscum copulat.
  2. ait sé peregrinum esse huius ignarum oppidi;
  3. locum sibi velle liberum praeberier,
  4. ubi nequam faciat. nos hominem ad te adduximus.
  5. tu si te di amant, agere tuam rem occasiost.
Lyc.
  1. Itane?
Adv.
  1. Ille est cupiens, aurum habet.
Lyc.
  1. Praeda haec meast.
Adv.
  1. Potare, amare volt.
Lyc.
  1. Locum lepidum dabo.
Adv.
  1. At enim hic clam furtim ésse volt, ne quis sciat
  2. neve arbiter sit. nam hic latro in Sparta fuit,