Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. sine te exorem, sine prehendam auriculis, sine dem savium.
Ad.
  1. Apscede hinc sis, sycophanta par ero.
Mil.
  1. At scin quo modo?
  2. iam hercle ego faciam ploratillum, nisi te facio propitiam,
  3. atque hic ne me verberetillum faciat, nisi te propitio,
  4. male formido: novi ego huius mores morosi malos.
  5. quam ob rem amabo, mea voluptas, sine te hoc exorarier.
Agor.
  1. Non ego homo trioboli sum, nisi ego illi mastigiae
  2. exturbo oculos atque dentes. em voluptatem tibi,
  3. em mel, em cor, em labellum, em salutem, em savium.
Mil.
  1. Impias, ere, te: oratorem verberas.
Agor.
  1. Iam istoc magis:
  2. etiam ocellum addam et labellum et linguam.
Mil.
  1. Ecquid facies modi?
Ag.
  1. sicine ego te orare iussi?
Mil.
  1. Quo modo ergo orem?
Ag.
  1. Rogas?
  2. sic enim díceres, sceleste: huius voluptas, te opsecro,
  3. huius mel, huius cor, huius labellum, huius lingua, huius savium,
  4. huius delicia, huiús salus amoena, huius festivitas: