Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. quid me vis?
Ag.
  1. Cur mi haec irata est?
M.
  1. Cur haec irata est tibi?
  2. cur ego id curem? namque istaec magis meast curatio. †
Agor.
  1. Iam hercle tu periisti, nísi illam mihi tam tranquillam facis
  2. quam mare olimst, quóm ibi alcedo pullos educit suos.
Mil.
  1. Quid faciam?
Agor.
  1. Exora, blandire, expalpa.
Mil.
  1. Faciam sedulo.
  2. sed vide sís, ne tu oratorem hunc pugnis pectas postea.
Agor.
  1. Non faciam.
Ad.
  1. Non aequos in me es, sed morare et male facis.