Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Achillem Aristarchi mihi commentari lubet:
  2. inde míhi principium capiam, ex ea tragoedia.
  3. sileteque et tacete atque animum advortite,
  4. audire iúbet vos imperator histricus,
  5. bonoque ut animo sedeate in subselliis,
  6. et qui esurientes et qui saturi venerint:
  7. qui edistis, multo fecistis sapientius,
  8. qui non edistis, saturi fite fabulis;
  9. nam cui paratumst quod edit, nostra gratia
  10. nimia est stultitia sessum impransum incedere.
  11. exsurge, praeco, fac populo audientiam;
  12. iam dudum exspecto, si tuom officium scias: