Persa

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. A terra ad caelum, quid lubet.
Dor.
  1. Iube dum eam hoc accedat ad me.
Sag.
  1. I sane ac morem illi gere.
  2. percontare, exquire quid vis.
Tox.
  1. Age, age nunc tu, in proelium
  2. vide ut ingrediare auspicato.
Vir.
  1. Liquidumst auspicium, tace.
  2. curabo ut praedati pulchre ad castra convertamini.
Tox.
  1. Concede istuc, ego illam adducam.
Dor.
  1. Age, ut rem esse in nostram putas.
T.
  1. Ehodum huc, virgo. vide sis quid agas.
V.
  1. Taceas, curabo ut voles.
Tox.
  1. Sequere me. adduco hanc, si quid vis ex hac percontarier.
D.
  1. Enim volo te adesse.
T.
  1. Hau possum quin huic operam dem hospiti,
  2. quoí erus iussit. quid si hic non volt mé adesse una?
Sag.
  1. Immo i modo.
Tox.
  1. Do tibi ego operam.
Dor.
  1. Tibi ibidem das, ubi tu tuom amicum adiuvas.
Tox.
  1. Exquire. heus tu, advigila.