Persa

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Hau potui etiam in primo verbo perspiceré sapientiam.
Sag.
  1. Quid id quod vidisti? ut munitum muro tibi visum oppidumst?
Vir.
  1. Si incolae bene sunt morati, pulchre munitum arbitror.
  2. perfidia et pecúlatus ex urbe et avaritia si exulant,
  3. quarta invidia, quinta ambitio, sexta óbtrectatio,
  4. septimum periurium,
Tox.
  1. Euge.
Vir.
  1. Octava indiligentia,
  2. nona iniuria, decimum, quod pessimum adgressust, scelus:
  3. haec unde aberunt, ea urbs moenita muro sat erit simplici;
  4. ubi ea aderúnt, centumplex murus rebus servandis parumst.
Tox.
  1. Quid ais tu?
Dor.
  1. Quid vis?
Tox.
  1. Tu in illis es decem sodalibus:
  2. té in exilium ire hinc oportet.
Dor.
  1. Quid iam?
Tox.
  1. Quia periurus es.
D.
  1. Verba quidem haud indocte fecit.
T.
  1. Ex tuo, inquam, usust: eme hanc.
D.
  1. Edepol qui cum hanc magis contemplo, magis placet.