Persa

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. solet illa recte sub manus succedere.
  2. atque edepol ferme ut quisque rem accurat suam,
  3. sic ei procedit postprincipio, denique
  4. si malus aut nequamst, male res vortunt quas agit,
  5. sin autem frugist, eveniunt frugaliter.
  6. hanc ego rem exorsus sum facete et callide,
  7. igitur proventuram bene confido mihi.
  8. nunc ego lenonem ita hodie intricatum dabo,
  9. ut ipsus sese, qua se expediat, nesciat.
  10. Sagaristio, heus, exi atque educe virginem
  11. et istás tabellas, quas consignavi tibi,
  12. quas tu attulisti mi ab ero meo usque e Persia.
Sagaristio
  1. Numquid moror?
Tox.
  1. Euge, euge, exornatu'sexornatus es basilice;
  2. tiara ornatum lepida condecorat schema.
  3. tum hanc hospitam autem crepidula ut graphice decet.
  4. sed satin estis meditati?
Sag.
  1. Tragici et comici
  2. numquam aeque sunt meditati.
Tox.
  1. Lepide hercle adiuvas.