Mostellaria

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Tu.
Th.
  1. Tu ne . sine me cum puero loqui.
  2. nemo habitat.
Phan.
  1. Habitat profecto, nám heri et nudius tertius,
  2. quartus, quintus, sextus, usque postquam hinc peregre eius pater
  3. abiit, numquam hic triduom unum desitum est potarier.
Th.
  1. Quid ais?
Phan.
  1. Triduom unum est haud intermissum hic esse et bibi,
  2. scorta duci, pergraecari, fidicinas tibicinas
  3. †ducere.
Th.
  1. Quis istaec faciebat?
Phan.
  1. Philolaches.
Th.
  1. Qui Philolaches?
Phan.
  1. Quoius patrem Theopropidem esse opinor.
Th.
  1. Ei mihi, occidi,
  2. si haec hic vera memorat. pergam porro percontarier.
  3. ain tu istic potare solitum Philolachem istum, quisquis est,
  4. cúm ero vostro?
Phan.
  1. Hic, inquam.
Th.
  1. Puere, praeter speciem stultus es.