Mostellaria

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. nám amator meretricis mores sibi emit auro et purpura.
  2. quid opust, quod suom esse nolit, ei ultro ostentarier?
  3. purpura aetati occultandaest, aurum turpi mulieri.
  4. pulchra mulier nuda erit quam purpurata pulchrior:
  5. poste nequiquam exornata est bene, si morata est male.
  6. pulchrum ornatum turpes mores peius caeno conlinunt.