Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Bene vale.
Pyrg.
  1. Et tu bene vale.
Pal.
  1. Quaeso memineris, si forte liber fieri occeperim
  2. (mittam nuntium ad te), ne me deseras.
Pyrg.
  1. Non est meum.
Pal.
  1. Cogitato identidem, tibi quam fidelis fuerim.
  2. si id facies, tum demum scibis, tibi qui bonus sit, qui malus.
Pyrg.
  1. Scio et perspexi saepe.
Pal.
  1. Verum cum antehac, hodie maxume
  2. scies: immo hodie me tuom factum faxo post dices magis.
Pyrg.
  1. Vix reprimor quin te manere iubeam.
Pal.
  1. Cave istuc feceris:
  2. dicent te mendacem nec verum esse, fide nulla esse te,
  3. dicent servorum praeter me esse hic fidelem neminem.
  4. nam si honeste censeam te facere posse, suadeam;
  5. verum non potest. cave fáxis.
Pyr.
  1. Abi iam.
Pal.
  1. Patiar quidquid est.
Pyrg.
  1. Bene vale igitur.
Pal.
  1. Ire meliust strenue. —