Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Certum exsequist,
  2. operam ut sumam ad pervestigandum, ubi sit illaec.
Evt.
  1. Quin domist.
Char.
  1. Nam hic quod dixit, id mentitust.
Evt.
  1. Vera dixi equidem tibi.
Char.
  1. Iam Cyprum veni.
Evt.
  1. Quin sequere, ut illam videas quam expetis.
Char.
  1. Percontatus non inveni.
Evt.
  1. Matris iam iram neglego.
Char.
  1. Porro proficiscor quaesitum. nunc perveni Chalcidem;
  2. video ibi hospitem Zacyntho, dico quid eo advenerim,
  3. rogito quis eam vexerit, quis habeat si íbi indaudiverit.
Evt.
  1. Quin tu istas omittis nugas ac mecum huc intro ambulas?
Char.
  1. Hospes respondit, Zacynthi ficos fieri non malas.
Evt.
  1. Nil mentitust.
Char.
  1. Sed de amica se indaudivisse autumat,
  2. hic Athenis esse.
Evt.
  1. Calchas iste quidem Zacynthiust.
Char.
  1. Navem conscendo, proficiscor ilico. iam sum domi,
  2. iam redii ex exilio. salve, mi sodalis Eutyche: