Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Ilico
  2. sta, Charine.
Char.
  1. Qui me revocat?
Evt.
  1. Spes, Salus, Victoria.
Ch.
  1. Quid me voltis?
E.
  1. Ire tecum.
Ch.
  1. Alium comitem quaerite,
  2. non amittunt hi me comites qui tenent.
Evt.
  1. Qui sunt ei?
Char.
  1. Cura, miseria, aegritudo, lacrumae, lamentatio.
Evt.
  1. Repudia istos comites atque hoc respice et revortere.
Char.
  1. Siquidem mecum fabulari vis, subsequere.
Evt.
  1. Sta ilico.
Char.
  1. Male facis, properantem qui me commorare. sol abit.
Evt.
  1. Si huc item properes ut istuc properas, facias rectius:
  2. huc secundus ventus nunc est; cape modo vorsoriam:
  3. hic favonius serenust, istic auster imbricus;
  4. hic facit tranquillitatem, iste omnis fluctus conciet.
  5. recipe te ad terram, Charine, huc. nonne ex advorso vides,
  6. nubis atra imberque ut instat? aspice ad sinisteram,