Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Amo.
Lys.
  1. Tun capite cano amas, senex nequissime?
Dem.
  1. Si canum seu istuc rutilum sive atrumst, amo.
Lys.
  1. Ludificas nunc tu me hic, opinor, Demipho.
Dem.
  1. Decide collum stanti, si falsum loquor;
  2. vel, ut scias me amare, cape cultrum ac seca
  3. digitum vel aurem vel tu nasum vel labrum:
  4. si movero me seu secari sensero,
  5. Lysimache, auctór sum ut me amando enices.
Lys.
  1. Si umquam vidistis pictum amatorem, em illic est.
  2. nam meo quidem animo vetulus decrepitus senex
  3. tantidemst quasi sit signum pictum in pariete.
Dem.
  1. Nunc tu me, credo, castigare cogitas.
Lys.
  1. Egon té?
Dem.
  1. Nihil est iam quod tu mihi suscenseas:
  2. fecere tale ante alii spectati viri.
  3. humanum amarest, humanum autem ignoscerest:
  4. ne sís me obiurga, hoc non voluntas me impulit.
Lys.
  1. Quin non obiurgo.
Dem.
  1. At ne deteriorem tamen