Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. quin, sceleste, ábstrudebas, né eam conspiceret pater?
Acan.
  1. Quia negotiosi eramus nos nostris negotiis:
  2. armamentis complicandis et componendis studuimus.
  3. dum haec aguntur, lembo advehitur tuos pater pauxillulo,
  4. neque quisquam hominem conspicatust, donec in navem subit.
Char.
  1. Nequiquam, mare, subterfugi á tuis tempestatibus:
  2. equidem me iam censebam esse in terra atque in tuto loco,
  3. verum video med ad saxa ferri saevis fluctibus.
  4. loquere porro, quid sit actum.
Acan.
  1. Postquam aspexit mulierem,
  2. rogitare occepit cuia esset.
Char.
  1. Quid respondit?
Acan.
  1. Ilico
  2. occucurri atque interpello, matri te ancillam tuae
  3. emisse illam.