Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. quae te res agitat, mulier?
Mat.
  1. Etiamne, impudens,
  2. muttire verbum unum audes aut mecum loqui?
Men.
  1. Quid tandem admisi in me, ut loqui non audeam?
Mat.
  1. Rogas me? o hominis impudentem audaciam!
Men.
  1. Non tu scis, mulier, Hecubam quapropter canem
  2. Graii esse praedicabant?
Mat.
  1. Non equidem scio.
Men.
  1. Quia idem faciebat Hecuba quod tu nunc facis:
  2. omnia mala ingerebat, quemquem aspexerat.