Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. vel tu vel tua uxor, vel etiam in loculos compingite.
  2. tu huc post hunc diem pedem intro non feres, ne frustra sis;
  3. quando tu me bene merentem tibi habes despicatui,
  4. nisi feres argentum, frustra me ductare non potes.
  5. aliam posthac invenito quám habeas frustratui.—
Men.
  1. Nimis iracunde hercle tandem. heús tu, tibi dico, mane,
  2. redi. etiamne astas? etiam audes mea revorti gratia?
  3. abiit intro, occlusit aedis. nunc ego sum exclusissimus:
  4. neque domi neque apud amicam mihi iam quicquam creditur.
  5. ibo et consulam hanc rem amicos, quid faciendum censeant.—
Menaechmvs
  1. Nimis stúlte dudum feci, quom marsuppium
  2. Messenioni cum argento concredidi.
  3. immersit aliquo sese, credo, in ganeum.
Matrona
  1. Provisam quam mox vir meus redeat domum.
  2. sed eccum video. salva sum, pallam refert.
Men.
  1. Demiror ubi nunc ambulet Messenio.
Mat.
  1. Adibo atque hominem accipiam quibus dictis meret.
  2. non te pudet prodire in conspectum meum,
  3. flagitium hominis, cum istoc ornatu?
Men.
  1. Quid est?