Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. mens est in quo ---
  2. eís ubi dicitur dies, simul patronis dicitur.
  3. quippe qui pro illis loquimur quae male fecerunt
  4. aut ád populum aut ín iure aut ápud aedilem rés est.
  5. sicút me hodie nimis sóllicitum cliens quídam habuit, neque quód volui
  6. agere aút quicum licitumst, ita med attinuit, ita detinuit.
  7. ápud aediles pro eius factis plurumisque pessumisque
  8. dixi causam, condiciones tetuli tortas, confragosas:
  9. aut plus aut minus quám opus fuerat dicto dixeram † controversiam, ut
  10. sponsio fierét. quid ille? qui --- praedem dedit.