Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ibo et conveniam servom, si potero, meum,
  2. ut haec, quae bona dant di mihi, ex me sciat.—
Matrona
  1. Egone hic me patiar frustra in matrimonio,
  2. ubi vir compilet clanculum quidquid domist
  3. atque ea ad amicam deferat?
Pen.
  1. Quin tu taces?
  2. manufesto faxo iam opprimes: sequere hac modo.
  3. pallam ad phrygionem cum corona ébrius
  4. ferebat, hodie tibi quam surrupuit domo.
  5. sed eccám coronam quám habuit. num mentior?
  6. em hac ábiit, si vis persequi vestigiis.
  7. atque edepol eccum óptume revortitur;
  8. sed pallam non fert.
Mat.
  1. Quid ego nunc cum illoc agam?
Pen.
  1. Idem quod semper: male habeas; sic censeo.
  2. huc concedamus: ex insidiis aucupa.
Menaechmvs
  1. Vt hóc utimúr maximé more móro
  2. moléstoque múltum, atque utí quique súnt
  3. optumí, maxumé morem habént hunc:
  4. cliéntes sibi ómnes volúnt esse múltos: