Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Minime hercle mirum. morem hunc meretrices habent:
  2. ad portum mittunt servolos, ancillulas;
  3. si quae peregrina navis in portum advenit,
  4. rogitant cuiatis sit, quid ei nomen siet,
  5. postilla extemplo se applicant, agglutinant:
  6. si pellexerunt, perditum amittunt domum.
  7. nunc ín istoc portu stát navis praedatoria,
  8. aps qua cavendum nobis sane censeo.
Men.
  1. Mones quidem hercle recte.
Mess.
  1. Tum demum sciam
  2. recte monuisse, si tu recte caveris.
Men.
  1. Tace dúm parumper, nam concrepuit ostium:
  2. videamus qui hinc egreditur.
Mess.
  1. Hoc ponam interim.
  2. asservatote haec sultis, navales pedes.
Erotivm
  1. Sine fóres sic, abi, nolo óperiri.
  2. intús para, curá, vide, quod opúst fiat:
  3. sterníte lectos, incéndite odores; múnditia
  4. inlécebra animost amántium.
  5. amánti amoenitás malost, nobís lucrost.