Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Elocuta sum convivas, ceterum cura.
Cyl.
  1. Licet.
  2. cocta sunt, iube ire accubitum.
Er.
  1. Redi cito.
Cyl.
  1. Iam ego hic ero.—
Menaechmvs
  1. Voluptas nullast navitis, Messenio,
  2. maior meo animo, quam quom ex alto procul
  3. terram conspiciunt.
Messenio
  1. Maior, non dicam dolo,
  2. quam si adveniens terram videas quae fuerit tua.
  3. sed quaeso, quam ob rem nunc Epidamnum venimus?
  4. an quasi mare omnis circumimus insulas?
Men.
  1. Fratrem quaesitum geminum germanum meum.
Mess.
  1. Nam quid modi futurum est illum quaerere?
  2. hic annus sextust postquam ei reí operam damus.
  3. Histros, Hispanos, Massiliensis, Hilurios,
  4. mare superum omne Graeciamque exoticam
  5. orasque Italicas omnis, qua adgreditur mare,
  6. sumus círcumvecti. sí acum, credo, quaereres,
  7. acum invenisses, si appareret, iam diu.