Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. tam quasi me emeris argento, liber servibo tibi.
Mess.
  1. Spes mihi est, vos inventurum fratres germanos duos
  2. geminos, una matre natos et patre uno uno die.
Men.
  1. Mira memoras. utinam efficere quod pollicitu'spollicitus es possies.
Mess.
  1. Possum. sed nunc agite uterque id quod rogabo dicite.
Men.
  1. Vbi lubet, roga: réspondebo. nil reticebo quod sciam.
Mess.
  1. Est tibi nomen Menaechmo?
Men.
  1. Fateor.
Mess.
  1. Est itidem tibi?
Sos.
  1. Est.
Mess.
  1. Patrem fuisse Moschum tibi ais?
Men.
  1. Ita vero.
Sos.
  1. Et mihi.
Mess.
  1. Esne tu Syracusanus?
Men.
  1. Certo.
Mess.
  1. Quid tu?
Sos.
  1. Quippini?
Mess.
  1. Optime usque adhuc conveniunt signa. porro operam date.
  2. quid longissime meministi, dic mihi, in patria tua?
Men.
  1. Cum patre ut abii Tarentum ád mercatum, postea