Epidicus

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. usque ab unguiculo ad capillum summumst festivissuma.
  2. estne consímilis quasi cum signum pictum pulchre aspexeris?
Ep.
  1. Ex tuis verbis meum futurum corium pulchrum praedicas,
  2. quém Apella atque Zeuxis duo pingent pigmentis ulmeis.
Str.
  1. Di immortales, sicin iussi ad me ires? pedibus † pulmunes
  2. qui perhíbetur prius venisset quam tu advenisti mihi.
Danista
  1. Haec edepol remorata med est.
Str.
  1. Siquidem istius gratia
  2. id quod ista voluit, nimium advenisti cito.
Dan.
  1. Age age, absolve me atque argentum numera, ne comites morer.
St.
  1. Pernumeratumst.
Da.
  1. Tene cruminam: huc inde.
St.
  1. Sapienter venis.
  2. opperire, dum effero ad te argentum.
Dan.
  1. Matura.
Str.
  1. Domist.—
Ep.
  1. Satin ego oculis utilitatem optineo sincere an parum?
  2. videon ego Telestidem te, Periphanai filiam,
  3. ex Philippa matre natam Thebis, Epidauri satam?
Telestis
  1. Quis tu homo es, qui meum parentum nomen memoras et meum?