Epidicus

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Néscio edepol quid tu timidus es, trepidas, Epidice, ita voltum tuom†
  2. videór videre commeruisse hic me absente in te aliquid mali.
Ep.
  1. Potin út molestus ne sies?
Th.
  1. Abeo.
Ep.
  1. Asta, abire hinc non sinam.
Th.
  1. Quíd nunc me retinés?
Ep.
  1. Amatne ístam quam emit de praeda?
Th.
  1. Rogas?
  2. deperit.
Ep.
  1. Detegetur corium de tergo meo. †
Th.
  1. Plusque amat quam te umquam amavit.
Ep.
  1. Iuppiter te perduit.
Th.
  1. Mítte nunciam, nam ílle me vetuit domum
  2. venire, ad Chaeribulum iussit huc in proxumum;
  3. íbi manere iussit, eo venturust ipsus.
Ep.
  1. Quid ita?
Th.
  1. Dicam:
  2. quía patrem prius convenire se non volt neque conspicari,
  3. quám id argentum, quod debetur pro illa, denumeraverit.
Ep.
  1. Eú edepol res turbulentas.