Epidicus

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. quia Thebis salvos redierit.
Per.
  1. Rectam institit.
Ap.
  1. Immo ipsus illi dixit conductam esse eam,
  2. quae hic administráret ad rem divinam tibi.
  3. facturum hoc dixit rem esse divinam tibi domi
  4. ego illic me autem sic assimulabam: quasi
  5. stolidum, combardum me faciebam.
Per.
  1. Em istuc decet.
Ap.
  1. Res magna amici apud forum agitur, ei volo
  2. ire advocatus.
Per.
  1. At quaeso, ubi erit otium,
  2. revortere ad me extemplo.
Ap.
  1. Continuo hic ero.—
Per.
  1. Nihil homini amicost opportuno amicius:
  2. sine tuo labore quod velis actumst tamen.
  3. ego si allegavissem aliquem ad hoc negotium
  4. minus hominem doctum minusque ad hanc rem callidum,
  5. os sublitum esset, itaque me albis dentibus
  6. meus dérideret filius meritissumo.
  7. sed quis hic est quém ego huc advenientem conspicor,