Epidicus

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Si aequom siet
  2. me plus sapere quam vos, dederim vobis consilium catum,
  3. quod laudetis, ut ego opino, uterque,
Per.
  1. Ergo ubi id est, Epidice?
Ep.
  1. Atque ad eam rem conducibile.
Ap.
  1. Quid istuc dubitas dicere?
Ep.
  1. Vos priores esse oportet, nos posterius dicere,
  2. qui plus sapitis.
Per.
  1. Eia vero, age díc.
Ep.
  1. At deridebitis.
Ap.
  1. Non edepol faciemus.
Ep.
  1. Immo, si placebit, utitor,
  2. consilium si non placebit, reperitote rectius.
  3. mihi istic nec seritur nec metitur, nisi ea quae tu vis volo.
Per.
  1. Gratiam habeo; fac participes nos tuae sapientiae.
Ep.
  1. Continuo arbitretur uxor tuo gnato atque ut fidicinam
  2. illam quam is volt liberare, quae illum corrumpit tibi,
  3. ulciscare atque ita curetur, usque ad mortem ut serviat.
Ap.
  1. Fieri oportet.
Per.
  1. Facere cupio quidvis, dum id fiat modo.