Epidicus

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. obviam ornatae occurrebant suis quaeque amatoribus,
  2. eos captabant. id adeo qui maxime animum advorterim?
  3. pleraeque eae sub vestimentis secum habebant retia.
  4. quom ad portam venio, átque ego illam ílli video praestolarier
  5. et cum ea tibicinae ibant quattuor.
Per.
  1. Quicum, Epidice?
Ep.
  1. Cum illa quam tuos gnatus annos multos deamat, deperit,
  2. ubi fidemque remque seque teque properat perdere;
  3. ea praestolabatur illum apud pórtam.
Per.
  1. Viden veneficam?
Ep.
  1. Sed vestita, aurata, ornata ut lepide, ut concinne, ut nove.