Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Sine.
  2. viden út aperiuntur aedes festivissumae?
  3. num muttit cardo? est lepidus.
Pal.
  1. Quin das savium?
Phaed.
  1. Tace, occultemus lumen et vocem.
Pal.
  1. Licet.
Leaena
  1. Flós veteris vini meis náribus obiectust,
  2. éius amor cupidam me huc prólicit per tenebras.
  3. ubi ubi ést, prope me est. euáx, habeo.
  4. salve, ánime mi, Líberi lepos.
  5. ut véteris vetus tui cúpida sum.
  6. nam ómnium unguéntum odor praé tuo naútea est,
  7. tú mihi stácta, tu cínnamum, tú rosa,
  8. tú crocinum et casia es, tu télinum,
  9. nam ubi tú profusu'sprofusus es , íbi ego me pérvelim sepultam.
  10. séd quom adhuc náso odos óbsecutúst meo,
  11. da vicissim meo gutturi gaudium.
  12. nil ago tecum: ubi est ipsus? ipsum expeto
  13. tangere, invergere in me liquores tuos,
  14. sine, ductim. sed hac abiit, hac persequar.