Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. non male creditur qui numquam reddunt, sed prorsum perit.
  2. vel ille, décem minas dum solvit, omnis mensas transiit.
  3. postquam nil fit, clamore hominem posco: ille in ius me vocat;
  4. pessume metui, ne mihi hodie ápud praetorem solveret.
  5. verum amici compulerunt: reddit argentum domo.
  6. nunc domum properare certumst.
Ther.
  1. Heus tu, leno, te volo.
Phaed.
  1. Et ego te volo.
Capp.
  1. At ego vos nolo ambos.
Ther.
  1. Sta sis ilico,
  2. atque argentum propere propera vomere.
Capp.
  1. Quid mecum est tibi?
  2. aut tibi?
Ther.
  1. Quía ego ex te hódie faciam pilum catapultarium
  2. atque ita te nervo torquebo, ítidem ut catapultae solent.
Phaed.
  1. Delicatum te hodie faciam, cum catello ut accubes,
  2. ferreo ego dico.
Capp.
  1. At ego vos ambo in robusto carcere
  2. ut pereatis.
Phaed.
  1. Collum obstringe, abduce istum in malam crucem.