Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. in Aesculapi fano, is me excruciat.
Pal.
  1. Quid est?
Phaed.
  1. Alias me poscit pro illa triginta minas,
  2. alias talentum magnum; neque quicquam queo
  3. aequi bonique ab eo impetrare.
Pal.
  1. Iniuriu'siniurius es ,
  2. qui quod lenoni nulli est id ab eo petas.
Phaed.
  1. Nunc hinc parasitum in Cariam misi meum
  2. petitum argentum a meo sodali mutuom.
  3. quod si non affert, quo me vortam nescio.
Pal.
  1. Si deos salutas, dextrovorsum censeo.
Phaed.
  1. Nunc ara Veneris haec est ante horunc fores;
  2. me inferre Veneri vovi ieientaculum.
Pal.
  1. Quid? tu te pones Veneri ieientaculo?
Phaed.
  1. Me, te atque hosce omnis.
Pal.
  1. Tum tu Venerem vomere vis.
Phaed.
  1. Cedo, puere, sinum.
Pal.
  1. Quid facturu'sfacturus es ?
Phaed.
  1. Iam scies.
  2. anus hic solet cubitare custos ianitrix,