Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Salutem multam dicito patrono.
Cvrc.
  1. Nuntiabo.—
Lyc.
  1. Numquid vis, leno?
Capp.
  1. Istas minas decem, qui me procurem,
  2. dum melius sit mihi, des.
Lyc.
  1. Dabuntur, cras peti iubeto.—
Capp.
  1. Quando bene gessi rem, volo hic in fano supplicare.
  2. nam illam minis olim decem puellam parvolam emi,
  3. sed eum qui mi illam vendidit numquam postilla vidi;
  4. periisse credo. quíd id mea refert? ego argentum habeo.
  5. quoi hómini di sunt propitii, lucrum ei profecto obiciunt.
  6. nunc rei divinae operam dabo. certumst bene me curare.—
Therapontigonvs
  1. Nón ego nunc medíocri incedo irátus iracúndia,
  2. sed eapse illa qua excidionem facere condidici oppidis.
  3. nunc nisi tu mihi propere properas dare iam triginta minas,
  4. quas ego apud te deposivi, vitam propera ponere.