Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Iamne ea fert iugum?
Phaed.
  1. Tam a me pudica est quasi soror mea sit, nisi
  2. si est osculando quippiam impudicior.
Pal.
  1. Semper tu scito, flamma fumo est proxima;
  2. fumo comburi nil potest, flamma potest.
  3. qui é nuce nuculeum esse volt, frangit nucem:
  4. qui volt cubare, pandit saltum saviis.
Phaed.
  1. At illa ést pudica neque dum cubitat cum viris.
Pal.
  1. Credam, pudor si cuiquam lenoni siet.
Phaed.
  1. Immo ut illam censes? ut quaeque illi occasiost,
  2. subripere se ad me; ubi savium oppegit, fugit.
  3. id eo fit, quia hic leno, hic qui aegrotus incubat
  4. in Aesculapi fano, is me excruciat.
Pal.
  1. Quid est?
Phaed.
  1. Alias me poscit pro illa triginta minas,
  2. alias talentum magnum; neque quicquam queo