Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ita nunc servitiumst: profecto modus haberi non potest.
Cvr.
  1. Ecquis est qui mihi commonstret Phaedromum genium meum?
  2. ita res subita est, celeriter mihi hoc hómine convento est opus.
Pal.
  1. Te ille quaerit.
Phaed.
  1. Quid si adeamus? heus, Curculio, te volo.
Cvrc.
  1. Quis vocat? quis nominat me?
Phaed.
  1. Qui te conventum cupit.
C.
  1. Haud magis me cupis quam ego te cupio.
Ph.
  1. O mea opportunitas,
  2. Curculio exoptate, salve.
Cvrc.
  1. Salve.
Phaed.
  1. Salvom gaudeo
  2. te advenire. cedo tuam mi dexteram. ubi sunt spes meae?
  3. eloquere, obsecro hércle.
Cvrc.
  1. Eloquere, te óbsecro, ubi súnt meae?
Phaed.
  1. Quid tibist?
Cvrc.
  1. Tenebrae oboriuntur, genua inedia succidunt.
Phaed.
  1. Lassitudine hercle credo.
Cvrc.
  1. Retine, retine me, obsecro.
Phaed.
  1. Viden ut expálluit? datin isti sellam, ubi assidat, cito