Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. tum isti Graeci palliati, capite operto qui ambulant,
  2. qui incedunt suffarcinati cum libris, cum sportulis,
  3. constant, conferunt sermones inter sese drapetae,
  4. obstant, obsistunt, incedunt cum suis sententiis,
  5. quos semper videas bibentes esse in thermipolio,
  6. ubi quid subripuere: operto capitulo calidum bibunt,
  7. tristes atque ebrioli incedunt: eos ego si offendero,
  8. ex unoquoque eorum exciam crépitum polentarium.
  9. tum isti qui ludunt datatim servi scurrarum in via,
  10. et datores et factores omnis subdam sub solum.
  11. proin se domi contineant --- , vitent infortunio.
Phaed.
  1. Recte hic monstrat, si imperare possit. nam ita nunc mos viget,
  2. ita nunc servitiumst: profecto modus haberi non potest.
Cvr.
  1. Ecquis est qui mihi commonstret Phaedromum genium meum?
  2. ita res subita est, celeriter mihi hoc hómine convento est opus.
Pal.
  1. Te ille quaerit.