Cistellaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. nostra haec alumna est, tua profecto filia:
  2. ---
  3. et redditura est tuam tibi, et ea gratia
  4. domo profecta est. ceterum ex ipsa, obsecro,
  5. exquaeritote: ego serva sum.
Phan.
  1. Aequom postulas.
Hal.
  1. Illius égo istanc esse malo gratiam.
  2. sed istánc cistellam te opsecro ut reddas mihi.
Phan.
  1. Quid fit, Lampadio?
Lamp.
  1. Quod tuom est teneas tuom.
Phan.
  1. At me huius miseret.
Lamp.
  1. Sic faciundum censeo:
  2. da isti cistellam et intro abi cum istac semul.
Phan.
  1. Tibi auscultabo. tene tu cistellam tibi,
  2. abeamus intro. sed quid est nomen tuae
  3. dominae?
Hal.
  1. Melaenis.
Phan.
  1. I prae, iám ego te sequar.—
Demipho
  1. Quíd hoc negoti est, quód omnes homines fabulantur per vias