Casina

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Bene dice. dis sum fretus, deos sperabimus.
Ol.
  1. Non ego istud verbum émpsim tittibilicio;
  2. nam omnes mortales dis sunt freti, sed tamen
  3. vidi ego dis fretos saepe multos decipi.
Lys.
  1. St, táce parumper.
Ol.
  1. Quid vis?
Lys.
  1. Eccum exit foras
  2. Chalinus intus cum sitella et sortibus.
  3. nunc nos conlatis signis depugnabimus.
Cleostrata
  1. Fáce, Chaline, certiorem me, quid meus vir me velit.
Chalinvs
  1. Ille edepol videre ardentem te extra portam mortuam.
Cleost.
  1. Credo ecastor velle.
Chal.
  1. At pol ego hau credo, sed certo scio.
Lys.
  1. Plus artificum est mihi quam rebar: hariolum hunc habeo domi.
  2. quid si propius attollamus signa eamusque obviam?
  3. sequere. quid vos agitis?
Chal.
  1. Adsunt quae imperavisti omnia: