Casina

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. quom mi illa dicet “mi animule, mi Olympio,
  2. mea vita, mea mellilla, mea festivitas,
  3. sine tuos ocellos deosculer, voluptas mea,
  4. sine amabo ted amari, meus festus dies,
  5. meus pullus passer, mea columba, mi lepus”,
  6. quom mi haec dicentur dicta, tum tu, furcifer,
  7. quasi mus, in medio pariete versabere.
  8. nunc ne tu te mihi respondere postules,
  9. abeo intro. taedet tui sermonis.—
Chal.
  1. Te sequor.
  2. hic quidem pol certo nil ages síne med arbitro.—
Cleostrata
  1. Obsígnate céllas, reférte anulum ád me:
  2. ego húc transeo ín proxumum ád meam vicínam.
  3. vir sí quid volét me, facite hínc accersátis.
Pardalisca
  1. Prándium iússerat sénex sibi parari.
Cleost.
  1. St! tace átque abi; néque paro néque hodie coquetur,
  2. quándo is mi et fílio ádvorsatúr suo
  3. ánimi amorísque causá sui,
  4. flágitium illud hóminis. ego illúm fame, ego illúm siti,
  5. maledíctis, malefáctis amátorem ulcíscar,