Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Sequere hac, Philocrates, me intro.—
Philocr.
  1. Sequor.—
Heg.
  1. Age tu illuc procede, bone vir, lepidum mancupium meum.
Stalagmvs
  1. Quid me oportet facere, ubi tu talis vir falsum autumas?
  2. fui ego bellus, lepidus: bonus vir numquam, neque frugi bonae,
  3. neque ero umquam, ne erres: spem ponas me bonae frugi fore.
Heg.
  1. Propemodum ubi loci fortunae tuae sint facile intellegis.
  2. sí eris verax, tua ex re, facies ex mala meliusculam.
  3. recte et vera loquere, sed neque vere neque tu recte adhuc
  4. fecisti umquam.
Stal.
  1. Quod ego fatear, credin pudeat cum autumes?
Heg.
  1. At ego faciam ut pudeat, nam in ruborem te totum dabo.
Stal.
  1. Eia, credo ego imperito plagas minitaris mihi.
  2. tandem ista aufer ac dic quid fers, ut feras hinc quod petis.
Heg.
  1. Satis facundu'sfacundus es . sed iam fieri dicta compendi volo.
Stal.
  1. Vt vis fiat.
Heg.
  1. Bene morigerus fuit puer, nunc non decet.
  2. hoc agamus. iam animum advorte ac mihi quae dicam edissere.
  3. sí eris verax, ex tuis rebus feceris meliusculas.
Stal.
  1. Nugae istaec sunt. non me censes scire quid dignus siem?