Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Mi quidem esurio, non tibi.
Heg.
  1. Tuo arbitratu, facile patior.
Erg.
  1. Credo, consuetu'sconsuetus es puer.
Heg.
  1. Iuppiter te dique perdant.
E.
  1. Te hercle—mi aequom est gratias
  2. agere ob nuntium; tantum ego nunc porto a portu tibi boni:
  3. nunc tu mihi places.
Heg.
  1. Abi, stultu'sstultus es , sero post tempus venis.
Erg.
  1. Igitur olim si advenissem, magis tu tum istuc diceres;
  2. nunc hanc laetitiam accipe a me, quam fero. nam filium
  3. tuom modo in portu Philopolemum vivom, salvom et sospitem
  4. vidi in publica celoce, ibidémque illum adulescentulum
  5. Aleum una et tuom Stalagmum servom, qui aufugit domo,
  6. qui tibi surripuit quadrimum puerum filiolum tuom.
Heg.
  1. Abi in malam rem, ludis me.
Erg.
  1. Ita me amabit sancta Saturitas,
  2. Hegio, itaque suo me semper condecoret cognomine,
  3. ut ego vidi.
H.
  1. Meum gnatum?
E.
  1. Tuom gnatum et genium meum.