Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. opsecro, infidelior mihi ne fuas quam ego sum tibi.
  2. tu hóc age. tu mihí erus nunc es, tu patronus, tu pater,
  3. tibi commendo spes opesque meas.
Phil.
  1. Mandavisti satis.
  2. satin habes, mandata quae sunt facta si refero?
Tynd.
  1. Satis.
Phil.
  1. Et tua et tua huc ornatus reveniam ex sententia.
  2. numquid aliud?
Tynd.
  1. Vt quam primum possis redeas.
Phil.
  1. Res monet.
Heg.
  1. Sequere me, viaticum ut dem á trapezita tibi,
  2. eadem opera a praetore sumam syngraphum.
Tynd.
  1. Quem syngraphum?
Heg.
  1. Quem hic ferat secum ad legionem, hinc ire huic ut liceat domum.
  2. tu intro abi.
T.
  1. Bene ambulato.—
P.
  1. Bene vale.
H.
  1. Edepol rem meam
  2. constabilivi, quom illos emi de praeda a quaestoribus;
  3. expedivi ex servitute filium, si dis placet.