Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Di te bene ament, Hegio.
Heg.
  1. Ne fle.
Erg.
  1. Egone illum non fleam? égon non defleam
  2. Talem adulescentem?
Heg.
  1. Semper sensi, filio
  2. meo te ésse amicum, et illum intellexi tibi.
Erg.
  1. Tum denique homines nostra intellegimus bona,
  2. quom quae in potestate habuimus, ea amisimus.
  3. ego, postquam gnatus tuos potitust hostium,
  4. expertus quanti fuerit nunc desidero.
Heg.
  1. Alienus cum eius incommodum tam aegre feras,
  2. quid me patrem par facerest, cui ille est unicus?
Erg.
  1. Alienus ego? alienus illi? aha, Hegio,
  2. numquam istuc dixis neque animum induxis tuom;
  3. tibi ille únicust, mi etiam unico magis unicus.
Heg.
  1. Laudo, malum cum amici tuom ducis malum.
  2. nunc habe bonum animum.
Erg.
  1. Eheu, huic illud dolet,
  2. quia nunc remissus est edendi exercitus.
Heg.
  1. Nullumne interea nactu'snactus es , qui posset tibi