Bacchides

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ne tíbi hercle haud longe est os ab infortunio,
  2. ita dentifrangibula haec meis manibus gestiunt.
Par.
  1. Cum ego huius verba interpretor, mihi cautiost,
  2. ne nucifrangibula excussit ex malis meis.
  3. tuo ego istaec igitur dicam illi periculo.
Pist.
  1. Quid ais tu?
Par.
  1. Ego istuc illi dicam.
Pist.
  1. Dic mihi,
  2. quis tu es?
Par.
  1. Illius sum integumentum corporis.
Pist.
  1. Nequam esse oportet cui tu integumentum .
Par.
  1. Sufflatus ille huc veniet.
Pist.
  1. Dirrumptum velim.
Par.
  1. Numquid vis?
Pist.
  1. Abeas. celeriter factost opus.
Par.
  1. Vale, dentifrangibule.—
Pist.
  1. Et tu, integumentum, vale.
  2. in eum nunc haec res vénit locum, ut quid consili
  3. dem meo sodali super amica nesciam,
  4. qui iratus renumeravit omne aurum patri,