Bacchides

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. peregre advenienti: ego autem venturum adnuo.
  2. salutem tibi ab sodáli solidam nuntio:
  3. rogabis me úbi sit: vivit.
Pist.
  1. Nempe recté valet?
Chrys.
  1. Istuc volebam ego ex te percontarier.
Pist.
  1. Qui scire possum?
Chrys.
  1. Nullus plus.
Pist.
  1. Quemnam ad modum?
Chrys.
  1. Quia si illa inventa est, quam ille amat, recte valet;
  2. si non inventa est, minus valet moribundusque est.
  3. animast amica amanti: sí abest, nullus est;
  4. si adest, res nullast: ipsus est—nequam et miser.
  5. sed tu quid factitasti mandatis super?
Pist.
  1. Egon ut, quod ab illoc attigisset nuntius,
  2. non impetratum id advenienti ei redderem?
  3. regiones colere mavellem Acherunticas.
Chrys.
  1. Eho, an ínvenisti Bacchidem?
Pist.
  1. Samiam quidem.
Chrys.
  1. Vide quaeso, ne quis tractet illam indiligens;
  2. scis tu ut confringi vas cito Samium solet.