Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Bono animo es, bene dice. nunc quae res tibi et gnatae tuae
  2. bene feliciterque vortat—ita di faxint, inquito.
Evcl.
  1. Ita di faciant.
Lyc.
  1. Et mihi ita di faciant. audi nunciam.
  2. qui homo culpam admisit in se, nullust tam parvi preti,
  3. quom pudeat, quin purget sese. nunc te obtestor, Euclio,
  4. ut si quid ego erga te imprudens peccavi aut gnatam tuam,
  5. ut mi ignoscas eamque uxorem mihi des, ut leges iubent.
  6. ego me iniuriam fecisse filiae fateor tuae,
  7. Cereris vigiliis, per vinum atque impulsu adulescentiae.