Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Scio quam rem agat:
  2. ut me deponat vino, eam adfectat viam,
  3. post hoc quod habeo ut commutet coloniam.
  4. ego id cavebo, nam alicubi abstrudam foris.
  5. ego faxo et operam et vinum perdiderit simul.
Meg.
  1. Ego, nisi quid me vis, eo lavatum, ut sacruficem.—
Evcl.
  1. Edepol, ne tu, aula, multos inimicos habes
  2. atque istuc aurum quod tibi concreditum est.
  3. nunc hoc mihi factu est optumum, ut ted auferam,
  4. aula, in Fidei fanum: ibi abstrudam probe.